ZERTAN DATZA ESKOLA LAGUNTZA?

2014-2015 ikasturtean, Kiriketan erakundeak proiektu hau abian jarriko du, ohiko ikaskuntza erritmoa jarraitzeko zailtasunak dituzten Lehen Hezkuntzako ikasleak jomugan hartuta.

Proiektuaren helburu nagusia da oinarrizko konpetentzien garapena hobetzea, bereziki irakurketarekin, gai instrumentalekin, lan antolakuntzarekin eta ikasteko ohiturak hartzearekin zerikusia duten atazei dagokienez.

Proiektu hau monitore hezitzaileek gauzatuko dute; gehienak Lehen Hezkuntzako Graduko edo hezkuntzari lotutako graduren bateko ikasleak dira eta eman beharreko gaietan jantzita daude.

Irakasleen lana osatzea izango da haien zeregina, ikasleei beren ikaskuntza zailtasunei irtenbidea ematen banan banan lagunduz. Horretarako, material didaktiko egokia izango dute, bereziki ikasteko teknikak barneratzera bideratua. Tutorearekin eta ikastetxeko PTarekin bilduko dira ikasle bakoitzarekin jarraitu beharreko ildoak bideratzeko.

Taldeek 5 10 ikasle izango dituzte.

Saioak astean 2, 3 edo 4 ordukoak izango dira.

Kontuan izanik askotan ikasleen eskola errendimendua ez dagoela ezagutzen mende soilik, hainbat lantegi eta hitzaldi proposatzen ditugu Lehen Hezkuntzako eta DBHko ikasleen garapen pertsonala hobetzeko.

Lantegi edo hitzaldi horiek eskola ordutegiaren barruan edo eskolaz kanpoko ordutegian eman ahal izango dira.